Hainbat herrikide, boluntario eta larrialdi zerbitzuetako kide, zapatutik gaztea bilatzen aritu dira. Gaurko, ostera, deialdi berezia egin dute sare sozialen bidez Gopegiko frontoian batzeko. Hitzordura 600 mendizale inguru joan dira, eta irteeran koordinatzen aritu dira. Euriari eta haizeari aurre eginez, hamarreko taldeetan, bakoitzak zegokion zonaldea aztertu du.
Zapatu arratsaldean gazte talde bat Gorbeiara abiatu zen. Igoeran, desagertuta dagoen berriztarra txarto sentitu zen, eta buelta ematea erabaki zuen, Ertzaintzak azaldu duenez. Lagunak kotxeetara itzultzerakoan gaztea falta zela ohartu ziren. Harrezkero, bere bila dabiltza Gorbea inguruan.
