Jai giroan murgiltzeko atzerako kontaketa hasi dute Zaldibarren. Uztailaren 2an txupinazoa botatzeagaz batera egingo du eztanda jaiak, eta gastronomiak, musikak zein tradizioak bat egingo dute herriko kaleetan. Hartara, tradizio handiko ekitaldiek ez dute hutsik egingo; hala nola Olea kaleko solomo eta sardina-janak eta Bekoetxe kaleko odoloste-janak. Ekitaldi jendetsu horiekin batera, urterik urte indarra hartu duten tortilla txapelketa eta herri bazkaria ere egingo dira. Kale animazioak ere ez du hutsik egingo. Matraka, Elektrotxufla eta Gotx elektrotxarangek hartuko dute horren ardura.