Saioa Aginako ilustratzaile gasteiztarraren irudiak iragarriko ditu Iurretako aurtengo San Migel jaiak. Irudi koloretsu bat proposatu du, bere estiloagaz lerratua, plaza koloretsu eta jendetsu bat irudikatzen duena. Aginakok 2021ean ekin zion ilustratzaile ibilbideari, eta teknika tradizionalak eta digitalak uztartzen ditu. Besteak beste, 2024an Mazoka marrazki azokaren beka jaso zuen, eta aurtengo Gasteizko Inauterietako kartela egin du.