Jai giroaz gozatzeko egunak dituzte aurretik Iurretan

Gaur hasi eta urriaren 5era arte, jai giroaz gozatzeko egunak dituzte aurretik Iurretan. Tradizio handiko ekitaldiek aurten ere ez dute hutsik egingo. Hartara, Porrotx eta Marimotots pailazoek bete egingo dute plaza gaur. Eta zapatuan XIV. Mendi Martxa eta Ahari Iurreta bizikleta martxak egingo dituzte. Iurretako dantzarien erakustaldia ikusteko aukera ere egongo da asteburuan. Umeentzako bizikleta ginkanak, Olaburu eskolako partiduek eta Indarparken X. urteurreneko ekitaldiek osatuko dute eskaintza. 

Kontzertuak

Gaur Rewinders taldeak joko du, Askondon. Zapatuan, bestalde, Juego de Damas Band, Against You, Ganibet eta Tatxers igoko dira plazako oholtzara. Durangoko Orfeoiaren kontzertuak eta Zutik plaza taldeak borobilduko dute lehenengo asteburuko musika eskaintza. Egitarau osoa hemen.