Barikuan hasiko dituzte Boroako San Pedro jaiak, eta uztailaren 7ra arte luzatuko dira. Anaitasuna elkarteak Zornotzako Udalaren laguntzagaz egitarau zabala prestatu du.
Gazteluko bizilagunek auzoko jaiei bultzada berri bat emateko apustua egin zuten duela urte batzuk, eta aurtengo egitarauari erreparatuta begi bistan geratu da egindako ahaleginek fruituak eman dituztena. Auzo txikia izanagatik, gazteluarrek egitarau osatu bat antolatu dute. Gaur Donien Atxa ipiniko dute, eta zapatuan ekintzaz beteriko eguna ospatuko dute.
AIDAE elkartearen 30. urteurrena ospatzeko 'Pertsonak' argazki erakusketa jarri dute Zelaieta zentroan; uztailaren 12ra arte egongo da ikusgai. Zelaietako 1. solairuan dago.
Uztailaren 4tik aurrera zer ikusi eta zer gozatu ugari egongo da Zaldibarren. Herritarrek jaiak ospatzeari ekingo diote datorren eguenean, Jose Luis Mendilibar eskertzeko ekitaldia eginda eta gaztetxeko kideek botatako txupina jaurtita.