Asuntze Mendi Taldeak Baztanera irteera antolatu du ekainaren 8an eta 9an. Zapatuan Alkurruntz mendia igoko dute eta Lekarozko aterpetxean hartuko dute ostatu (afaria, lo eta gosaria). Domekan, Leurtzako urtegitik Soro ttipia mendira. Prezioa, 30 euro da. Izena emateko azken eguna maiatzak 15 da, asuntzemk@hotmail.com helbide elektronikoan ala 680 538 390 telefonoan.
Ansorena familiak 2023an 1.000 argazki baino gehiago eman zizikion dohaintzan Gerediaga elkarteari; horietako ehun argazkigaz erakusketa egingo dute Durangoko Arte eta Historia museoan. Bihar egingo dute ate irekiera ekitaldia 19:00etan; Miren Amurizak berak idatzitako testu bat irakurriko du, eta Hanneke taldeak kontzertua eskainiko du.
2025eko abuztura arte egongo da ikusgai.
Maiatzaren 17tik ekainaren 16ra bitartean Mallabian Kultur Hamabostaldia ospatuko dute.