Unzueta eta Olaetxea, Errege Kopako partiduak abadiñar biak elkartu zituen atzo Zornotzan

Iker Unzueta (Abadiño, 1998) Amorebieta klubeko jokalaria da eta Lander Olaetxea (Abadiño, 1993) Logroñesen dabil. Atzo talde biek Errege Kopako lehenengo kanporaketa jokatu zuten Zornotzako Urritxe zelaian.

Nork bere koloreak defendatzea egokitu zitzaien, baina zelaitik kanpora lagunak dira, partidu bukaeran biek elkarrekin ateratako argazkiak erakusten duen moduan. Unzuetak partiduko azken 20 minutuak jokatu zituen. Olaetxeak, berriz, ez zuen jokatzeko aukerarik izan eta aulkitik jarraitu zuen norgehiagoka.

Amorebietan beste abadiñar bat ere aritu zen: Ekaitz Molina. Hasiera-hasieratik jokatu zuen, 77. minutuan Iker Bilbaok ordezkatu zuen arte.

Partiduari dagokionez, Amorebietak ezustekoa eman zuen kategoria bat gorago —Bigarren Mailan— jokatzen duen Logroñes kanporatuta (1-0). Mikel Alvarok sartu zuen partiduko gol bakarra lehen zatiko 44. minutuan.

Ekaitz Molina hasierako hamaikakoan egon zen.



Amorebietako jokalariak sailkapena ospatzen. (@SDAmorebieta)

Erlazionatuak

Lander Olaetxearen UD Logroñes taldea Bigarren mailara igo da, abadiñarra "oso pozik" dago

Abadiño

Urteetan Bigarren B Mailan jokatzen egon ostean, UD Logroñosek  Bigarren Mailara igotzea lortu zuen joan zen zapatuan. La Rosaleda (Mal...
"Bigarren B Maila profesionalen liga bat da eta 21 urtegaz hor aritzea ametsa errealitate bihurtzea da"

Zornotza

Amorebieta futbol kluba hurrengo denboraldira begirako taldea egituratzen ari da apurka. Asteon iragarpen bi egin ditu ildo horretatik eta biek esk...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.