“Ez da bide erraza izan, baina biolentzia jasaten dutenak, salatzera animatzen ditugu”

Sexu erasoen biktimetako batek berba hartu zuen ama  eta bi alaben izenean Abadiñoko Txanporta plazan egindako kontzentrazioan. Hainbat herritarrek agertu diete babesa. “Guk sinesten dizuegu” izan da gehien entzun den leloa.

Berriki, Auzitegi Gorenak hamahiru urte eta erdiko kartzela zigorra ezarri dio abadiñar bati, 2009tik emakumeari eta garai hartan adin txikikoak ziren bi alabei sexu erasoak egiteagatik. Eraso horiek salatzeko egin da gaurko elkarretaratzea. 

Biktimek, hasieratik alboan izandakoen babesa eskertu dute. Horrez gainera, salaketa jarri eta epaia irten bitarteko "momentu gogorrak" azpimarratu gura izan dituzte. "Denbora honetan, laguntzat geneuzkanak agurtzeri utzi digute, zurekin gurutzatu garen bakoitzean, iraindu egin gaituzu. Tentsio momentu ugari sortu gura izan dituzu, baina ez dugu gura zenuena lortu. Ez gara isildu eta aurrera jarraitu dugu", azaldu du biktimak.

Abadiñoko Udalak eta Durangaldeko mugimendu feministak ere biktimak babestu dituzte. “Hiru biktimen berba ez sinistu izana salatzen dugu” adierazi dute udal ordezkariek. Bestalde, erasoak autodefentsa feministaren bidez erantzuteko deia ere egin dute. 

2014an atxilotu zuten gizona lehenengoz, eta behin-behinean aske utzi zuten. Bizkaiko Lurralde Auzitegiak hamasei urteko zigorra ezarri zion gizonari hasiera batean, baina errekurritu egin zuen. Harrezkero gizona kalean egon da. Auzitegi Gorenak ekainean kaleratutako sententzian hamahiru urte eta erdira murriztu dio kartzela zigorra. 

Urruntze agindua urratzeagatik epaiketa

Horrez gainera, asteburuan urruntze agindua urratzeagatik epaiketa azkarra eduki du gizonak gaur goizean Durangoko epaitegian. 

Erlazionatuak

Abadiñoko Udala: "Hiru emakumeen bizipena zalantzan jarri izana eta horrek ekarri dien min areagotua salatzen ditugu"

Abadiño

44 urteko abadiñarrari Auzitegi Gorenak ezarri dion 13 urte eta erdiko kartzela zigorra dela eta oharra kaleratu du Abadiñoko U...
Abadiñar bati 13 urte eta erdiko kartzela zigorra ezarri diote adin txikiko biri eta euren amari egindako sexu erasoengatik

Abadiño

Abadiñoko Udalak eta Durangaldeko Mugimendu Feministak kontzentraziora deitu dute, astelehenean, 20:00etan Txanporta plazan.
Abadiñoko adin txikiko biri eta euren amari sexu abusuak egiteagatik 16 urteko kartzela ezarri diote

Abadiño

2014an atxilotu zuten gizona, eta behin-behinean aske utzi zuten. Epaiketa prozesuaren ostean, atzo irten zen Bizkaiko Lurralde Auzitegiaren senten...