SD Amorebietak erakusketa bat antolatuko du ekainean Zelaieta Zentroan, mendeurreneko ospakizunen barruan. Bertan klubaren historiari errepasoa egiten lagunduko duten argazki eta objektuak erakutsiko dituzte. Erakusketa ahalik aberatsena izan dadin, klubak laguntza eskatu die herritarrei. Artikulu baliotsuren eta bitxiren bat duenak klubeko denda ofizialera (San Migel kalea) eraman dezake otsail, martxo eta apirileko bariku guztietan. Ordutegia honako hau da: goizez, 10:00etatik 13:00etara eta arratsaldez, 17:00etatik 20:00etara. Erakusketa amaitutakoan argazki eta objektu guztiak jabeei itzuliko dizkiete.
Klubak datozen asteetan emango du erakusketaren inaugurazioaren egunaren eta orduaren berri, ohar batean jakinarazi dutenez.
