Andoni Agirrebeitia Zornotzako alkateak kontakizun "ahalik eta errealena" egiten egidako lana nabarmendu du, eta obraren gizatasuna azpimarratu du, Konbenioaren sinaduraren 150. urteurrena ospatzeko egindako lan honetan. "Obrari esker zornotzarrek gure udalerrian bakea lortzeko egindako ahalegina biziberritzeko aukera izango dute, azken Karlistaldia geldiarazteko helburuagaz sinatu zen akordioa ezagutuko dute".
Patxo Telleriak zuzendu eta idatzi du lanak, eta protagonistak Mikel Losada eta Aitor Fernandino aktoreak dira. Lau errealitate egoera desberdin erakutsiko dituzte, aldi berean gertatzen ari direnak. "Ardura politiko edo militar gehiago dutenek, gutxiago sufritzen dutela uste dugu, hori da planteatzen dugun kontzeptua obran". Hasiera batean, antzezlana Zornotzan soilik eskaini behar zuten, hala ere, beste emanaldi batzuk lotzen ari direla azaldu du Telleriak gaur egindako aurkezpenean.
Euskarazko eta gaztelerazko emanaldiak 20:00etan izango dira, Zornotza aretoan.