Zaldibarko Olazar pilota txapelketako antolatzaileek zuzeneko emankizunak egiten dituzte eguenero. Youtube-n ez ezik, ANBOTOren webgunean ere jarraitu ahalko dira emankizunak. Koldo Aldalur kazetari ezaguna izango da esataria eta Enrike Agirrebeitia komentarista.
Bosgarren jardunaldia
Joan zen asteko jardunaldian, Faben Ituarte atxondarrak 22-11 irabazi zion Urigoitiari. Hamaikanako berdinketaren ostean, Ituarte zuzenean joan zen 22ra. Binaka, Olaetxeak eta Lizeagak 22-12 menderatu zituzten Rekalde eta Odriozola.