Lur-jausia Zaldibarren

Manifestazio bateratua deitu dute zapaturako 'Zaldibar Argitu Orain!' lelopean

Mobilizazioa osatuko duten hiru zutabeek Eitzagan (Zaldibar) bat egingo dute. Antolatzaileek maskaratxoekin joateko dei egin dute.

Lehenengo zutabea Elgetatik irtengo da (16:30ean plazan). Bigarren zutabea Ermutik abiatuko da (17:00etan Cardenal Orbe plazan) eta hirugarrena Eibartik (17:00etan Amaña-Eibar tren geltokia). Hiru zutabeen helmuga Zaldibar izango da. Zaldibartarrek Ermuko zutabeagaz bat egingo dute.

Verter Recycling hondakindegian lur-jausia gertatu zenetik herritarrek hainbat protesta antolatu dituzte bai Durangaldean baita Euskal Herriko beste herri batzuetan ere. Gertatutakoa argitzea eta erantzukizunak eskatzea dira mobilizazioen helburu nagusiak. 

Erlazionatuak

[BIDEOA] Jendetza batu da Zaldibarren hondakindegian gertatutakoa argitzea eskatzeko

Zaldibar

Hainbat herritarrek mobilizazio zaratatsua egin dute udaletxe aurreko plazan. 
[BIDEOA] Mallabitarrek kezkaz bizi dute Zaldibarko lurrak herriko hondakindegira eramateko aukera

Mallabia

Udaletxe aurrean 70-80 mallabitar batu dira protesta egiteko, 'Zaldibar Argitu, langileak, osasuna eta erantzukizunak orain!' lelopean.
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.