Biharko Izarrak pilota txapelketako finalak jokatuko dituzte bihar gauean Mallabian

Biharko Izarrak pilota txapelketako finalak jokatuko dituzte bihar gauean Mallabian

Biharko Izarrak pilota txapelketako finalak bihar jokatuko dituzte, 19:30ean, Mallabiko pilotalekuan. Ez dago faborito argirik, ez lau t’erdikoan, ez binakakoan.

Binaka Iraitz Zubizarretak (Ataun, 1999) eta Iker Mariezkurrenak (Berriozar, 1996) Adrian Pradoren (Najera, 1995) eta Joseba Sarasaren (Eltzaburu, 1996)  kontra jokatuko dute. Gipuzkoar bi eta arabar eta nafar bana. Bizkaitarrik ez aurtengo finalean. Sarasak bigarren finala izango du jarraian. Iaz galdu egin zuen Peru Labakagaz bikotea osatuz, Andoni Ugalderen eta Iñigo Martinezen kontra (11-22). Aurten esperientzia handiko aurrelaria egokitu zaio finalean. Pradok urtetxo batzuk daramatza afizionatuetan, eta azeri zaharra da bere gaztetasunean. Bikote orekatua osatzen dute. Baina aurkariak ez dira edozelakoak. Mariezkurrena afizionatuetako promesa bizia da eta esku dotore bi ditu. Zubizarreta, lauretan gazteena, abila eta bizia da.

Lau t’erdikoan Unai Matak (Mendillorri, Nafarroa 2000) eta Patxi Etxegaraik (Aiherra, Ipar Euskal Herria, 1998) neurtuko dituzte indarrak. Etxegaraik kolpe gehiago du, eta Mata oso pilotari borrokalaria da.

Erlazionatuak

Jokin Altuna: “Biharko Izarrak txapelketa oso polita da, oso gustura jokatu nuen”

Mallabia

Profesionaletan debutatu aurretik, Jokin Altunak Biharko Izarrak txapelketa irabazi zuen, 2014an. Artean, 18 urte zituen. Txapelketa eta jokatzeko ...
Biharko Izarrak pilota txapelketak promesarik onenak batuko ditu aurten ere

Mallabia

Atzo aurkeztu zuten. Durangaldeak ordezkari bat izango du: Gorka Otaduy berriztarra.