Iurretako EH Bilduk ohar batean kritikatu duenez, Iurretako Udalak "ez du ezer egin airearen kalitatearen inguruan orain arte, beste aldera begiratu baino ez". Hori dela eta, Iurretako udal gobernuan dauden alderdiei (EAJ eta PSE) "airearen kalitatearen gaiari heltzeko eta behar duen garrantzia emateko" eskatu die. "Berau hobetzeko neurriak hartzen hasteko exijitu nahi diegu".
Iurretarren eta eskualdeko beste biztanleen osasuna "jokoan" dagoela diote. "Herritarrak erdigunean nahi ditugu eta berauen osasuna bermatzea lehentasun bat izan behar da".