Durangoko EAJk udal gobernu taldeari eskatu dio usain txarren inguruko txostena Ingurumen eta Osasun Sailei "albait arinen" helarazteko, "txostenaren ezaugarriak aztertzeko eta durangarren osasuna bermatzeko beharrezko neurriak ahalik eta bizkorren aztertzeko aukera izan dezaten".
Hedabideetara bidalitako oharrean, talde jeltzaleak udal gobernu taldearen jarrera ere kritikatu du. Urgentziazko prentsaurreko "alarmista" bat deitzea egotzi diote gobernu taldeari, hain zuzen, txostena "horretarako eskuduntzak dituzten agintariei eta Iurretako Udalari helarazi baino lehen". EAJk "arduraz eta gardentasunez" jokatu beharra azpimarratu du.
2019ko apirilean egindako eskaria
Durangoko EAJren esanetan, aurreko legegintzaldiko udal gobernu taldeak enkargatu zion Tecnaliari usain txarren gaineko azterketa. Ikerketak sei hilabeteko epemuga zuela, eta, ondorioz, haren emaitzak 2020ko urtarrilean jakin beharko ziratekeela dio talde jeltzaleek. "Asteon izan dugu ikerketaren emaitzen berri, epemuga bukatu eta 7 hilabetera",
