Herritar talde batek antolatuta, gaur, 19:00etan, jarri dute hitzordua, Durangoko Andra Marian. Sindikatuek ere hainbat deialdi egin dituzte bariku honetarako.

Azken urteetan Mañaria errekan pilatu izan den zaborraz ohartuta, iaz kartelak ipini zituzten sanfaustoetan, errekara zaborrik ez botatzeko eskatzeko. Aurten, pauso bat gehiago eman gura izan dute eta Jai Batzordekoek hitzordua ipini dute Durango zeharkatzen duen erreka garbitzeko: urriaren 20an, 11:00etan. Sanfaustoetako Jai Batzordeak sustatutako ekimena da eta sei elkartek bat egin dute horregaz: Ourdaybik, Durangoko Ehiza eta Arrantza elkarteak, Inurri Eskaut Taldeak, Juan de Iciar kultur elkarteak, Marisatsak eta Madalenako Auzo Alai auzo elkarteak. Jai Batzordeak herritar guztiei zabaldutako deialdia dela nabarmendu du eta auzolanean parte hartzera animatu dituzte durangarrak.