Duranguesa Txirrindulari Elkarteak eta Durangaldeko Bizikleta Eskolak aurtengo taldeen aurkezpena egin dute

Urteroko ohiturari eutsiz, Duranguesa Txirrindularitza Elkarteak eta Durangaldeko Bizikleta Eskolak aurtengo taldeen aurkezpena egin zuten atzo eta denboraldi berriari begirako helburuak eta desioak plazaratu zituzten.

Talde denak kontuak hartuta 100 txirrindulari inguru daude. Umeetatik haur-kategoriara arteko bizikleta eskolarekin hasi zuten aurkezpena. Mutiletan Cafe Dromedario Flotamet da hurrengo urratsa, kadeteetan eta gazteetan. Dagoeneko badute garaipen bat aurten: Amets Egurenek Zestoan eskuratutakoa. Nesketan hutsune bat zegoen adin tarte horretan eta, hain zuzen, hortxe dago aurtengo nobedade nagusia. Durangaldeko Bizikleta Eskolak eta Punta Galea klubak indarrak batu dituzte adin tarte horretako nesken talde berri bat sortzeko: Occident Durangaldeko Bizikleta Eskola. 

Cafe Dromedario Flotamet taldeak mendi bizikletako adarra ere badu Ion Sarasua zuzendariarekin. Euskadiko txapelduna taldean dute: Ander Mendizabal.

Gizonetan Eiser-Hirumet da talde nagusia. Aurten indartsu hasi dute denboraldia Eder Moreno eta Iñaki Trujilloren garaipen banarekin. "Taldearen batez besteko maila hobea dugu aurten eta lasterketa garrantzitsuetan aurrerapauso bat ematea dugu helburu", adierazi zuten taldeko zuzendariek. Beñat Intxausti eta Alain Ramirez dira taldeko gidariak.

Azkenik, Durango-Durango Emakumeen Laboral Kutxa Saria maiatzaren 20an izango zela aurreratu zuten.