Osasun larrialdia hasi eta gutxira, Durangoko Udalak laguntza sarea sortu zuten herriko eragileekin eta boluntarioekin. Orain arteko ibilbidearen balantzea egin dute gaur eta "harro" daude egindako bideagaz. "Guretzat oso pozgarria da boluntarioek erakutsi duten prestutasun handia ikustea, gehien behar zuten pertsonekiko hurbiltasuna eta konpromisoa erakutsiz. Beste behin ere, harro sentitzen gara haien ondoan lan egin ahal izateaz", azaldu dute Ima Garrastatxu alkateak eta Julian Rios alkateordeak. Elkarlan hori seinalatu dute aurrerantzean "jarraitu beharreko bide" modura.
287 durangarri eskainitako laguntza
Udalak orain arteko ibilbidea islatzen duten zifra batzuk jakinarazi ditu:
- 22 boluntariok botikak banatu dituzte 133 etxetan, Gurutze Gorriagaz batera.
- 10 boluntariok adinekoen 43 etxebizitzatara bidali zuten adinekoen zentroan erorikoen prebentziorako egiten ari ziren ikastaroarekin jarraitzeko dokumentazioa, baita konfinamendu-egoera hobeto eramateko jarraibideak ere.
- 3 boluntariok irakurketa errazeko jarduerarako materialak helarazi dituzte 15 etxetara.
- 3 boluntario arduratu dira Zaindu programan (mendeko senideen zaintzan) dauden 18 etxebizitzatara dokumentazioa eramateaz.
Laguntza sareak indarrean jarraituko du "behar gehiago egon" bitartean.