Herriaren Eskubideak prentsa ohar bidez azaldu du azken sei osoko bilkuretan ikerketaren emaitzak eskatu dituztela, eta txostena bertan dagoela badakiten arren, ez dutela jaso.
Bestalde, Eusko Legebiltzarrean airearen gaia mahaigaineratu zuen Elkarrekin Podemos alderdiko Jose Ramon Becerrak ekainaren 22an, Herriaren Eskubidearen eskariz. Airea neurtzeko ekintzen protokolo berriak behar direla adierazi zuen Becerrak. Berak esandakoekin bat egin du Durangoko alderdiak. "Interbentzio horregaz bat egiten dugu. Beharrezkoak dira ekintza protokolo berriak. Izan ere, ez da kontrol egokirik egiten ezta arriskuen jarraipenik ere, eta herritarrei ez zaie informaziorik ematen.
