anboto.org

Etxebizitza Kontratu Herritarra bultzatu gura dute Durangoko gazteek

  Gizartea  Durango

Herritarrei deialdia egingo diete, hutsik dituzten etxebizitzak gazteen esku jartzeko, taldea bera bitartekari bihurtuta.

Etxebizitza eskubidearen aldeko Zabalduko Ditugu taldeak proposamen berria aurkeztuko du bihar gazteen alokairua sustatzeari begira: Etxebizitza Kontratu Herritarra idatzi eta landu gura dute. "Gazteon egoerara egokitutako prezio eta baldintzak" ezarriko dituzte kontratu horretan. Gero, herritarrei deialdia egingo diete, hutsik dituzten etxebizitzak gazteen esku jartzeko, taldea bera bitartekari bihurtuta. "Uste dugu etxebizitzaren arazoa herritar guztioi dagokigun zerbait dela", esan dute. Aholkularitza juridikoa ere jasoko dutela diote.

Zabalduko Ditugu taldeak mozioa aurkeztu zuen udalean alokairu soziala eskatzeko, eta aho batez onartu zen. Baina, "udal gobernuarekin ez da hitzemandako elkarlanik burutu", diotenez. Instituzioak, Faustegoienako babeseko 17 etxe gazteen alokairu sozialerako erabiliko ditu.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa