Durangoko tren geltokian akatsak daudela onartu du Oregi sailburuak

Dani Maeztu EH Bilduko legebiltzarkideak eskatuta, agerraldia egin du Ana Oregi sailburuak. "Berehalako inbertsio" batzuk iragarri ditu, geltokiko sarbideak hobetzeko asmoz. Libre geratutako orubearen urbanizazioa ere "epe laburrean" hasiko dela aurreratu du.

Maeztuk gogoratu du Durango Operazioaren baitan trena lurperatzea, eta geltoki berria, Euskotrenen egoitza eta 600 etxebizitza egitea aurreikusi zela. "Egoitzarik ez dago, etxerik ere ez, eta dagoen gauza bakarra, irisgarritasun ikuspegitik arazoak sortzen dituen estazio berri bat da". Sarrera nagusia malda handikoa eta labainkorra dela salatu du parlamentari durangarrak, eta euria egiten badu, egoera okertzen dela. "Pertsona nagusientzat oso arriskutsua da". Izan ere, estali bako sarrera da aipatzen duena. "Durangon askotan egiten du euria", ohartarazi du. Bestalde, igogailua urrun dagoela eta komuna topatzea ez dela erraza kritikatu du Maeztuk.

Oregik azaldu du geltokiaren egoera "behin-behinekoa" dela, eta akatsak dituela onartu du. Horiek konpontzeko, "beheralako neurriak" iragarri ditu. Adibidez, alfonbra, bandak eta seinaleztapena hobetzea. Horrez gainera, udalak ingurua urbanizatzeko hirigintza plana aurreratuta daukala esan du Oregik: "Epe laburrera, urbanizazioaren lehen faseari ekitea aurreikusten dugu".

 

Erlazionatuak

Datorren astelehenetik aurrera, trena lurpetik pasatuko da

Durangaldea

Proba egin dute gaur goizean Eubatik Traña-Matienarako tartean. Arriola garraio sailburuak adierazi du, esandakoa bete dutela, urtea amaitu aurreti...
Hasi da tren geltoki zaharreko garaje eta tailerrak botatzeko obra

Durango

Ana Oregi sailburua, Antonio Aiz sailburuordea eta Aitziber Irigoras alkatea geltoki zaharreko kotxetegien eraistea bisitatzen egon dira. Datorren ...
Durangoko tren estazio zaharreko eremua, autobus geltoki berria egiteko?

Durango

EH Bilduk autobus geltokiaren inguruko mozioa eraman du osoko bilkurara. Alde batetik, gaur egungo Madalenako geltokian baldintzak hobetzea eskatu ...
Sarbide berria dauka tren geltokiak, eta komertzio gunea ere zabaldu dute

Durango

Gaurtik, Sasikoa kaletik sarbide berria dauka tren geltokiak. Gainera, BM supermerkatua ere zabaldu dute gune komertzialean; hori da momentuz gelto...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.