Durandog mugimendukoek protesta deialdia egin dute erasoei erantzuteko: "Jabe guztiei ahalik eta parke eta lorategi gehien okupatzeko deialdia luzatzen diegu". Gune horiek txakurrentzat erreibindikatzeko neurri lez ikusten dute protesta. Erasoez gainera, udalaren partetik presioa jaso dutela diote, "txakurren beharrei aurre egite hutsagatik".
"Ez gaituzte botako, ez gaituzte kikilduko". Mezu hori zabaldu dute txakurren jabeek. Apirilean hasi ziren mobilizatzen, euren egoerari soluzio bat ematea eskatuz. Legea betetzea gura dute, txakurrek solte ibiltzeko berdegune batzuk zehazteko. Berdegune bat ezin bada horretara guztiz bideratu, behintzat ordutegi batzuk ezartzea gura dute. Udala kritikatu zuten protestetan, hileetan zehar tratuan ibili arren ez zietelako soluziorik eman.
Udalbatzarrean gaia landu zen gero, batzorde bat sortu zen, eta tailer zabala ere egin zuten txakurren jabeekin. Baina, ez daude hasierako proposamenagaz gustura, ordutegia gauez delako.