Ignacio Garitano Osasun Saileko eta Osakidetzako Zaintza eta Kontrol Programaren koordinatzaileak eman ditu datuak prentsaurrekoan.
Durangoko baheketa selektiboan 5.067 PCR proba egin dituzte. Beraz, proba egitera deituta zeuden herritarren %46ak egin du testa gutxigorabehera (11.000 herritar inguru daude 13 eta 40 urte artean). Guztira 69 positibo atzeman dituzte eta positibitate tasa %1,36koa izan da.
Ermua eta Mallabiko herritarrei bideratutako baheketa oraindik martxan dago eta behin-behineko datuak eman ditu. Orain arte 1.717 PCR proba egin eta 12 positibo detektatu dituzte. Positibitate tasa %0,70ekoa da.