Hainbat izan dira erronka amaitu dutenak, 30 inguru, baina gaur euretako hiru bakarrik joan dire saria jasotzera. Ekitaldi jendetsuegia ekiditeko hartu dute erabaki hori. Irune Kortabarriak, Aitor Ejidok eta Maialen Sanchezek jaso dituzte sariak Ibarretxe kultur etxean.
Sari banaketa horrez gainera, beste bat ere egin dute. 2016an Xixonen sortu zen 30 dias en bici herri mugimenduak bizikletarekiko konpromisoa erakutsi duten enpresak eta erakundeak saritu ditu. Enpresa konprometituenaren saria Decathlon Durango-k jaso du; erakundearena Iurreta Lanbide Heziketa ikastetxeak eta administrazio publikoarena Durangoko Merinaldearen Amankomunazgoak. Aipamen bereziak egin dizkiete Elorrioko Udalari (bere ekimen propioa gauzatu du) Pierburg enpresari eta Maristak ikastetxeari.
