Durangon 13 egunetan pasa zen PM2,5 partikulen maila, eta bitan PM10ekoa. Zornotzan, baten PM2,5ekoa, eta birritan PM10ekoa. Horrez gainera, Durangon PM2,5eko urteko batazbestekoak muga gainditu zuen, eta Zornotzan gauza bera PM10eko kopuruak.
Munduko Osasun Erakundearen indizeak kontuan hartuta, aire kalitate txarra suposatzen dute datuek. Baina, instituzioek beste indize batzuk erabiltzen dituzte, dezente luzeagoak, Europar Batasunarenak. Horiek jarraituta, airea ez da txarra. Hortxe dago eztabaida.
