Bizkaiko Herri Arteko Pilota Txapelketako finalerdiei dagozkien joaneko jardunaldiak jokatu dituzte asteburuan Elorriok eta Zornotzak. Biei aldapa gora ipini zaie kanporaketa. Elorriok hiru partiduak galdu zituen zapatuan Gernikan: 22-12 kadeteetan, 22-4 gazteetan eta 22-17 nagusietan. Zornotzak kadeteetako partidua irabazi zion barikuan Markinari (22-8), baina beste biak galdu zituen: 4-22 gazteetan eta 11-22 nagusietan. Asteburu honetan bueltako jardunaldiak jokatuko dituzte Elorrion eta Markinan.