Iurretan 101 lagun egon ziren, eta Traña-Matienan 102k parte hartu zuten bi herrietan bosgarren edukiontziaren zehaztasunak emateko antolatutako informazio-guneetan. Zalantzak argitzeko etxeetarako ontziak , poltsa konpostagarriak eta kaleko kontainerraren giltz ajasotzeko aukera izan zuten herritarrek. Horretaz gainera, beste herritar batzuek ere eman dute izena telefonoz edo webgunearen bidez. Dagoeneko, guztira, 220 bat lagun daude prest bosgarren edukiontzia erabiltzeko.
Bestalde, landa eremuetan autokonpostajea bultzatuko dute, eta auzoka batzarrak egin dituzte, egitasmoa azaltzeko. Arduradunek azaldu dute oraindik auzotarrek badaukatela aukera konpost ontziak hartzeko. 946 232 522 telefonora deitu beharko dute horretarako. Interesa dutenek formakuntza tailer batean parte hartuko dute, konposta zelan egin ikasteko.
Esan bezala, oraingoz 220 bat lagunek eman dute izena ekimenean. Arrakasta handia izan du ekimenak amankomunazgoko arduradunek azaldu dutenez, eta materiala agortu egin da. Edonola ere oraindik eskaerak egin daitezke; itxaron-zerrenda egongo dira, materiala jasotzerakoan abisatzeko.
