Jon Barcenaren gorpua topatu dute bere senide eta lagunek Urrunagan

Anboto 2018ko urt. 28a, 11:57
@julenaretakoa

Goizeko 09:00ak aldera topatu dute gorpua, urtegi inguruko basoan. Froga forentseak egin arte, Ertzaintzak ez du baieztatu bere gorpua denik, baina bai ostera bilaketan ibili direnek.

Abenduaren 30etik desagertuta zegoen Berrizko gaztea, eta bere familiak ez du etsi bilaketan. Herrizaingo sailak uste zuen uretan egon zitekeela -Ertzaintzako urpekariak lanean ibili dira-, baina azkenean lurrean aurkitu dute.

Julen Arzuaga EH Bilduko legebiltzarkidea izan da bilaketan ibili denetako bat, eta sare sozialetan bere doluminak agertu dizkio familiari. Bera bezala, hainbat dira sareetan elkartasuna erakusten hasi direnak. Gorbeiako bilaketa jendetsuan ibili ziren Pou anaiak ere bai, esaterako.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!