Elorrioko jaiei izena ematen dien azoka datorren irailaren 3rako antolatu dute. Ferixa Nausikoa ohiko hitzordua izaten da Durangaldeko zein kanpotik etorritako baserritar eta artisauen uzta ikusi eta baita erosteko ere. Baserriko ortuarien eta ekoizleen 46 postu ipiniko dituztela aurreratu dute udal arduradunek. Abeltzaintzari dagokionez, 21 postu ipiniko dituzte: behiak, behorrak, astoak, ahuntzak, ardiak... Bestalde, ardi moztaile erakustaldia ere egingo dute.