Ekitaldiok domekan izango dira, 18:00etan hasita, Txanporta plazan. Baina hitzordu horiek ailegatu baino lehenago askotariko ekitaldiak izango dituzte zain. Zapatuan, adibidez, paella-jana izango dute Ferialekuan, 14:30ean. Herriko eragile ugarik parte hartuko dute antolaketan.
Bestalde, iluntze partean musika ekitaldi ugariz gozatu ahal izango da Zelaietako kaleetan. 18:30ean, Orkresta elektrotxarangak gatza eta piperra ipiniko ditu jaizaleen gozamenerako. Gauean, sona handiko taldeek hartuko dute Txanporta plazako eszenatokia. Dupla eta Süne taldeek euskal musikagintzan boladan dauden abestirik dantzagarrienak joko dituzte oholtza gainean. Azkenik, DJ Kool musika-jartzaileak parrandazalerik gautxorienak ipiniko ditu dantzan, ordu txikiak arte.
![[EGITARAUA]: Süne eta Dupla, besteak beste, San Trokaz jaietan](https://anboto.tok-md.com/argazkiak/Pbi/cache/33118_1715544426_tokikom_735x413.jpeg)
