Abadiñoko San Prudentzio pilota txapelketa azken txanpan sartuta dago. Finalista batzuk erabakita daude: Iglesias zaratamoarra buruz buruz ,eta, Ibarloza markinarra eta Bullon zornotzarra binaka. Bigarren finalerdiak domeka honetan, 12:00etan, jokatuko dituzte Zelaietako pilotalekuan. Normalean Traña-Matienan jokatzen dira jardunaldiak, baina egun horretan Umeen Dantzari Eguneko ekitaldiak daudenez, Zelaietara eraman dituzte partiduak.
Buruz buru Uriartek eta Salcedok neurtuko dituzte indarrak. Gogoratu behar da aurten joko-sistema berezi bat probatzen ari direla buruz buru: 10 tantorako jokoak jokatzen dituzte, kantxa osoa eta lau eta erdia tartekatuz. Binakak, honako hau da partidua: Beitia-Arroita / Olaizola-Uzkudun.
Atxtxiki pilota eskolak antolatzen duen txapelketako finalak maiatzaren 1ean jokatuko dituzte, Traña-Matienako pilotalekuan eta jaien barruan.