David Broncano telebista aurkezleak eta Iker Unzueta futbol jokalari abadiñarrak fisikoki antza dutela esaten dute askok. Iaz, Unzueta Amorebietan jokatzen zebilela, kublak Unzuetaren kamiseta helarazi zioten Broncanori eta honek umorezko bideo batekin erantzun zuen. Aurten SD Logroñes taldean dabil abadiñarra eta kuriositate beraren harira, La Resistencia programara gonbidatu zituzten atzo Unzueta eta klubeko hainbat jokalari.
Logroñesek klubeko kamiseta bat oparitu zion Broncanori, bere izenagaz. Zenbakia, berriz, bederatzia, Unzuetak erabiltzen duena. Jokalariek publikotik jarraitu zuten gertaera.
Unzueta goi mailan dabil aurten SD Logroñesekin Lehenengo RFEF mailan. Orain arte hiru gol sartu ditu eta partidurik gehienetan titular jokatu du.