Udaletik plazara

[JAIAK] Traña-Matienako jaien egitaraua

Ekaitz Herrera 2020ko api. 27a, 14:20
Deskargatu Info Ahotsak :

Txupinazoa jaurtita emango diote hasiera, gaur, Traña-Matienako jaiei. Herritarren proposamenak aintzat hartuta maiatzaren 10era arte etxetik ospatu ahal izateko moduko jaiak antolatu ditu Abadiñoko Udalak. Era guztietako ekitaldiak egongo dira: kontzertuak, paella-jana, tortilla herrikoiak edota magia ikuskizunak

APIRILAREN 27a

  • 20:10 Txupinazoa botako da eguneroko txalo-zaparradarekin batera. Txalo-ekitaldi horiei jai-kutsua emateko, Abadiñoko institutuko IGEak herritarrei eskatu die ipini ditzatela balkoiak jaietako zapiekin (salgai daude herriko dendetan).

APIRILAREN 28a (SAN PRUDENTZIO EGUNA)

  • Kanpaiak joko dira San Prudentzio elizan
  • 17:00etan Ipuin-kontakizunak Ane Gebararen eskutik.  "Etxetik bidaiatzeko ipuinak" euskarazko narrazio saioa eskainiko du. Nahi duen guztiak zuzenean jarraitu ahal izango du, www.pscp.tv/AneGebara web orriaren bitartez.

MAIATZAREN 1a

  • 18:00etatik aurrera "Txaranga kamioi" bat ibiliko da Abadiñoko kaleetan zehar herria animatzeko.

MAIATZAREN 2a (MOZORRO EGUNA)

  • Maiatzaren 2an Mozorroaren Eguna izango denez, Udalak dei egin die herritarrei mozorrotzeko eta argazkiak jaietako udal webgunera bidaltzeko:  https://sanprudentziojaiak.eus
  • 17:00etan, “Ametsetan Hegaz” familiendako berbena hasiko da Zirkugintza Taldearen eskutik
  • 22:00etatik 23:00etara Dj Danny Meipek zuzeneko kontzertua eskainiko du "Instagram" (Dani199997) eta "Facebook" (Dani Pintado) bidez.

MAIATZAREN 8a

  • 17:30. Magia saioa. "Konfinamendu egunetan magia" ikuskizuna, Hodei magoaren eskutik

MAIATZAREN 9a (PAELLEN ETA TORTILLEN EGUNA)

  • Paella eta tortilla txapelketa herrikoiak. Parte hartzaileek etxean prestatuko dituzte platerok eta argazkiak jaietako webgunera igo ahal izango dituzte. https://sanprudentziojaiak.eus

MAIATZAREN 10a

  • 12:30etan, Abadiñoko adinekoen omenezko txalo-zaparrada bat egingo da balkoietan
  • 20:00etako txaloak entzun eta handik hamar minutura jaien amaierako txupinazoa botako da.

 

Gizartea Abadiño
Erlazionatuak
Donien Atxa ipinita esnatu da Traña-Matiena
Donien Atxa ipinita esnatu da Traña-Matiena

Maialen Zuazubiskar 2020 api 27 Abadiño

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!