Saltoki handi horien irekieraren kontra, hainbat argumentu ematen ditu merkatarien elkarteak, komunikabideetara bidali duen idatzian: "80 lanpostu sortuko direla diote, baina ez dute kontuan hartzen zer baldintzako lanpostuak izango diren, ezta saltoki horien irekierak zenbat lanposturen zeharkako galera ekarriko duen ere".
Durangaldeko merkataritza txikiaren alde lanean jarraitzeko asmoa duela dio Dendak Bai elkarteak, eta konpetentzia askea defendatuko dutela, betiere, "herritarren edo enpresa txikien eskubideak urratzen ez badira".
