Joan zen astean Ipar Irlandan sasoi betean zegoela erakutsi zuen Gontzal Murgoitio elorriarrak, eta gaur hori berretsi egin du. Murgoitio bizkorrena izan da. Bigarren postuan Ander Gerrikaetxebarria zornotzarra sailkatu da eta hirugarren Iñigo Pradera mallabiarra.
Emakumezkoetan Itsasne Urkiaga zornotzarrak ezin hobeto borobildu du urteguna, 30 urte bete dituen egunean garaipena eskuratu du-eta etxeko lasterketan. Bigarren postuan Leire Uribe otxandiarra sailkatu da eta hirugarren Lola Oyarzabal gasteiztarra.
Durangaldeko Koparen azken aurreko lasterketa da gaurkoa. Emakumezkoetan, Leire Uribe dago txapela eskuratzeagatiko lehen postuan; gizonezkoetan, Irazu Aranburu.
