Javi Garcia Panizok Teknei Bizkaia Zornotzako entrenatzailea izateari utzi dio. Halaxe jakinarazi du klub zornotzarrak bere sare sozialetan. Azken asteetako emaitzek eragindako erabakia dela azaldu dute eta alde biak "ados" egon direla. Oraingoz ez dute jakinarazi ordezkoa nor izango den.
Entrenatzaile barakaldoarra joan zen udan heldu zen klubera. Orduan, taldea entrenatzen 14 urte zeramatzan Mikel Garitaonandia ordezkatu zuen. Etapa arrakastatsu baten amaiera eta berri baten hasiera izan zen. Emaitzak, ordea, ez dira aldekoak izan. Une honetan, Teknei Zornotza Zilarrezko LEB Mailako azken postuan sailkatuta dago sei garaipen eta hamahiru porrotekin. Zazpi jardunaldi falta dira liga amaitzeko.
Javi G Panizo no continúa al frente del Teknei Zornotza
— Teknei Bizkaia Zornotza (@zornotzast) March 3, 2025
El Zornotza y Javi G Panizo, de común acuerdo, separan sus caminos. Los últimos resultados cosechados ha llevado a ambas partes a cesar en la vinculación existente.
El club quiere agradecer a Panizo su gran dedicación. pic.twitter.com/zHvp0vc5sQ