"Gure memoria historikoaren babesa, iragana gogoratzeko ez ezik, etorkizuna eraikitzeko bidean dugun erantzukizuna ere bada, belaunaldi berriak hezteko eta iraganak duen garrantziaren inguruan sentsibilizatzeko modu bat, alegia, etorkizun justuago bat eraikitzeko", azaldu du Ainhoa Salterain alkateak.
Memoria Historikoaren Astearen baitan, beste hainbat ekitaldi ere egingo dituzte. Besteak beste, Ikusezinak dokumentalaren hiru emanaldi eskainiko dituzte; maiatzaren 17an, 20an eta 23an izango dira emanaldiak. Maiatzaren 14an, ostera, Asisko Urmeneta historialariak Gora Euskal Herrientsak! hitzaldia eskainiko du. Amaitzeko, maiatzaren 18an Amorebieta eta Etxano herriak frankisten menpe geratu zireneko egunaren oroitzapen ekitaldia egingo dute, 12:00etan, Zornotza Kultur Elkarte Artistikoak antolatuta; Aranzadiren deshobiratze lanei buruzko berbaldia eskainiko dute bertan.
