1937ko maiatzaren 18an tropa frankistek Amorebieta eta Etxano hartu zituzten. Data hori gogoratuta, urtero legez, Zornoza Kultura eta Arte Elkarteak ekitaldia antolatu du. Omenaldia eta aitortza egin gura dizkiete gerraren "eragina eta minak pairatu zituzten pertsonei". Ekitaldia domekan egingo dute, hilaren 21ean, 12:00etan, Zelaieta parkean. Egitaraua honako hau izango da:
- Sirena hotsak
- Txoria txori kantuaren interpretazioa Alaiak abesbatzaren eskutik.
- Lore eskaintza "In memoriam" oroitarrian: Pedro Iparragirre Etxebarria. Gerrako umea izanikoa eta Zornotza Kultura eta Arte Elkarteko kidea.
- Udabarri dantza taldeak eta Udazken txistulari taldeak aurreskua eskainiko dute.
- Gogora Institutuko Aintzane Ezenarro zuzendariaren hitz hartzea.
- Gerra zitala: Zornoza abesbatza.
