2021ean ere ez da egingo Zornotzako Udaberri Klasikoa

Artxiboko irudia

Maila nagusiko lasterketa egingo ez den arren, kadete, jubenil eta 23 urtez azpiko lasterketak egingo direla jakitera eman du Amorebieta Txirrindulari Elkarteak.

Amorebieta Txirrindulari Elkarteko kideek azaldu dutenez 2021ean ez da Zornotzako Udaberri Klasikoa egingo. "Pandemiak eragindako ziurgabetasunak eragotzi egiten du maila honetako ekitaldi bat antolatzea", esan dute txirrindulari elkartekoek. Hori dela eta, 2021eko lasterketa bertan behera uztea erabaki dute. Hala ere, elkartekoek eskerrak eman gura izan dizkiete, herriari, bolondres guztiei, Zornotzako Udalari eta babesle guztiei. Horrez gain, gaineratu gura izan dute 2022an lasterketa egiteko asmoa dutela. 

Gazte mailako lasterketak bai
Bestalde, gazte mailako lasterketak antolatzeko apustua egingo dutela esan dute. "Ahalegin berezia egingo dugu kadete, jubenil eta 23 urtez azpiko lasterketak antolatzeko. Gainera, kadete eta jubenil kategorietako lasterketak, nazio mailako lehiaketak izango dira, ahalik eta parte-hartzaile gehien egoteko", bukatu dute.

Erlazionatuak

Bertan behera gelditu da apirilaren 12an egitekoa zen Udaberri Klasikoa

65 urtez antolatu dute Zornotzako Udaberri Klasikoa. 
Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.