#0km

[BIDEOA] Bizkaiko sagardo denboraldia, martxan

Bizkaiko sagardogileek Zornotzako Uxarten aurkeztu dute denboraldi berria. Aurten, 73.000 litro sagardo ekoiztu dituzte. Aurtengoa "izaera handiko" sagardoa dela azaldu du Juan Zuriarrain enologoak. "Gorputz handikoak, kolore bizikoak, mingotsak eta eboluziorako gaitasuna dutenak" dira aurtengo sagardoak.

Ohi bezala, Bizkaikoak bakarrik diren sagarrekin ondutako sagardoak dira aurtengoak. Koronabirusak garai zailak ekarri dituen arren, Bizkaiko sagardogileek "hemen" dirautela eta "kalitatezko sagardoa" ekoizten jarraitzen dutela adierazi dute. Hori dela eta, sagardoa kontsumitzera deitu dituzte herritarrak, bai etxeetan eta baita sagardotegietan ere. "Gure tradizioaren parte den edari bat da, eta aurten koronabirusaren aurkako protokolo guzti-guztiak ondo markatuta datoz", azaldu dute. 

 

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.