Zornotzako EH Bilduk udalerrian baheketa masiboa egin dezan eskatu dio Osasun Sailari. "Inguruko udalerri askotan antzeko egoeran daude (Bermeon, Durangon, Gernikan, Ermuan...) eta Osakidetzak test masiboak egin ditu. Zornotzan zergatik ez?", galdetu dute. Osasun Sailari eskaria egiteaz gainera, udal gobernu taldearentzako berbak ere izan ditu koalizioak. "Udala ezin da besoak gurutzatuta egon, goragoko instantziaren batek neurriak noiz hartuko zain", adierazi dute. Datuak "benetan kezkagarriak" direla, eta kutsatzeen gorakada "ahalik eta azkarren gelditu beharra" dagoela iritzi dio koalizioak. Ostalariek bizi duten "egoera injustuari irtenbide bat" eman behar zaiola ere gaineratu du.
Zornotza eremu gorrian sartu da aste hasiera honetan. Eusko Jaurlaritzaren datuen arabera, udalerriko intzidentzia-tasa, gaur gaurkoz, 803koa da 100.000 biztanleko.
