New Orleans-etik dator Zornotza Saskibaloi Taldearen fitxaketa berria: Bryson Robinson eskolta

Bryson Robinson New Orleans unibertsitateko taldearekin saskira jaurtitzen. (Argazkia: Zornotza Saskibaloi Taldea)

Texas estatuan (AEB) jaioa da, 22 urte ditu eta 1.93 metro garai da. Azken lau denboraldiak New Orleans-eko (Louisiana estatua) unibertsitatean eman ditu.

"Lanerako etika" eta "eskumutur fina" dire bere ezaugarri nagusiak jolakari moduan, Zornotza Saskibaloi Taldeak ohar batean azaldu duenez. NCAA mailako bere azken denboraldian partiduko 18 puntu sartu, 4.13 errebote hartu, 2.57 asistentzia banatu eta 1.33 baloi errekuperatu zituen, batez beste. Hiruko jaurtiketetan espezialista da, %36ko portzentaiarekin. "Kanpoaldeko jokoan taldeko erreferente izatera deitua dago. Unibertsitean ibilbide oso ona izan du eta, egokitze prozesuaren ostean, seguru gaude ligan inpaktua eragingo duen jokalaria izango dena", adierazi du Mikel Garitaonandia entrenatzaileak.


Hona Bryson Robinsonen saskiraketa eta jokaldirik onenak batzen dituen bideoa:

 

Erlazionatuak

Garitaonandiak eta Estalayok Zornotza Saskibaloi Klubean jarraituko dute

Zornotza

Sarritan, jokalari berriak ekartzea baino garrantzitsuagoa izan daiteke daudenei eustea. Ildo horretatik, Zornotza Saskibaloi Taldeak aste honetan ...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.