Zornotzako Udalak martxoaren hasieran aurkeztu zituen 2021erako aurrekontu parte hartzaileak. Inbertsioen %25, 840.000 euro inguru, herritarren proposamenetatik tiraka garatu gura ditu. Herritarren proposamenek baldintza batzuk bete beharko dituzte. Besteak beste, udalaren eskumeneko proposamenak egin ahalko dira, legezkoak, interes orokorrekoak eta teknikoki zein ekonomikoki bideragarriak. Behin proposamenak jasota, udalaren bulego juridiko, tekniko eta ekonomikoak arduratuko dira proposamenak lehenetsi eta aurrera egingo dutenak aukeratzeaz.
Zornotzako Udalaren web orrian, www.ametx.eus gunean, Herritarren Arreta Zerbitzuan edo Zelaieta zentroan egin ahalko dira proposamenak. Aurrekontu parte hartzaileak egiten dituzten hirugarren aldia da.