"Herriak bizi duen osasun eta ekonomia larrialdiari aurre egiteko" lanean "gogor" ari dela berretsi du Zornotzako Udalak. "Testuinguru honetan, aurrekontu parte-hartzaileetako epea luzatzeak adierazten du herritarren beharrizanei erantzuteko konpromisoa duela, hain zuzen ere herrian zornotzarren bizi kalitatea hobetu ahal izateko", azaldu dute.
Martxoaren hasieran aurkeztu zituen udalak 2021erako aurrekontu parte hartzaileak. Inbertsioen %25, 840.000 euro inguru, herritarren proposamenetatik tiraka garatu gura ditu Zornotzako Udalak. Aurrekontu parte hartzaileak egiten dituzten hirugarren aldia da.
