"Edozein arrazoirengatik laguntza eskatu behar duten emakumeei zuzenduta dago eta herriko farmazietan 'Maskara 19' bat eskatuz, modu seguruan eskatu ahalko dute laguntza hori", adierazi dute udaletik. Behin 'Maskara 19'-a eskatuta farmaziakoek protokoloa martxan jarriko dutela jakitera eman dute.
Horrez gain, Zornotzako Udalak herritar guztiei laguntza eskatu die eta, indarkeria matxista kasuren bat ezagutzen badute, Gizarte Ekintza Sailarekin harremanetan jar daitezela 94 630 01 90 telefono zenbakira deituz edo ongizatea@amorebieta.eus helbidera idatz dezatela eskatu diete.