Etxeko 3D inprimagailuak erabilita osasun materiala sortu dute Zornotzako zortzi herritarrek. Besteak beste azetatoz egindako biserak, maskaratxoak eta arnasgailuen lehenengo prototipoak egin dituzte. Biseren kasuan, enkoadernaketa lanetan erabili ohi diren orri gardenak gehitu dizkiete. Zornotzako Udalak ordaindu ditu orri horiek. Udal iturriek ekimen honen "elkartasuna eta eskuzabaltasuna" azpimarratu dituzte, makerrek ez baitute trukean "funtsik eskatu".