"Etekin ekonomikoak langileen osasunaren gainetik" ipintzea egotzi dio LAB sindikatuak Aludium enpresari. "Indarrean dagoen dekretua fede txarrez erabiltzen ari dira. Confebask eta Arantza Tapiaren sailburuaren aholkuak jarraituz, langileen osasuna defendatu ordez, produkzioa eta kapitala lehenetsi dute", esan du LABek. Sindikatuak gaineratu du langileak "prest" daudela "oinarrizkoa eta ezinbestekoa den produkzioa soilik aurrera ateratzeko", baina uko egin diotela "oinarrizkoa ez den produkzioa egiteari". Goizaldeko 6:00etan "plantoa" egin dute langileek egoera salatzeko. Bestalde, "beharrezko salaketa ofizial guztiak" sartuko dituela aurreratu du LABek.