Udalak Zelaieta parkean dagoen ezki bat moztuko du prebentzio moduan.Tamaina handiko zuhaitzen egoera aztertzeko ikerketaren aurretiazko emaitzek eragin dute erabaki hau. Alboan dauden mota bereko bi zuhaitz inausi egingo dituzte, ikerketa amaitu bitartean oinezkoen segurtasuna bermatzeko, udalak ohar batean azaldu duenez.
Orain aste bi Zelaieta Parkeko zuhaitz bat erori egin zen. Gertaera horren ondoren zuhaitz denen egoeraren inguruko azterketa bat egitea erabaki zuen udalak.
