Ancora Gilda 2.0 izenaz atondutako pintxoa izan da Zornotzan Jan Alai txapelketako berritzaileena, epaimahaikideen aburuz. 1.000 euroko saria irabazi du.
Herritarrek emandako botoek, aldiz, Uranga tabernako Muuu pintxoa nabarmendu dute. Kasu honetan ere 1.000 eurokoa izan da saria.
Sari horiez gainera, zerbitzaririk onena aukeratzeko bozketa ere izan da eta Leku Berri jatetxeko Kontxi Gisasolak irabazi du.
Pintxoen Top Ten delakoa ere osatu dute bozketak kontuan hartuta. Honako hau da:
1. Uranga
2. Izaro
3. Basajaun
4. Berezi
5.6. Zubiondo eta Singing Munch (berdinketa)
7. Iruña
8.9. Vintage eta Ancora (berdinketa)
10. Kilima