Hauteskundeak

"Zornotza orekatu" baten alde lanean jarraituko dutela aldarrikatu du Agirrebeitiak

Zornotzako Zelaietan jende ugari batu da EAJk antolatutako mitinean parte hartzeko. Andoni Agirrebeitia alkate eta hautagaiak datozen urteetarako proposamen nagusiak aurkeztu ditu, eta Unai Rementeria ahaldun nagusia bertan egon da berari babesa agertzen. Zornotza eta Agirrebeitia eredutzat ipini ditu. 

Agirrebeitiak esan du "Zornotza orekatu" baten alde lanean jarraituko dutela. Gazteen lan munduratzea lagunduko dutela, parekidetasuna sustatutako dutela... Nagusien nafarroa zentroaren erreforma integrala egingo dutela dio. "Euren bizi kalitatea hoberena izatea gura dugu, merezi dutelako". Bestalde, azpiegiturei dagokienez, Urgozo kiroldegi berria eraikiko dutela aurreratu du, eta Betarraganen 150 parking plaza ipiniko dituztela. Orain arte eginiko lana ere baloratu du; anbulatorio eta musika eskola berrien proiektuak nabarmendu ditu, adibidez.

Rementeriak azaldu du Bilboko itsasadarrean eginiko eraldaketa Ibaizabal osora hedatu gura dutela, Durangotik hasita, Zornotzatik pasa, eta kostaraino. Eginiko zerbitzuen orria eta proiektu berrien orria prest dituztela dio, eta "etxeko lanak eginda" dituztela. "Maiatzaren 26an ezin da inor etxean geratu", esan du bozka ematera deituz. Besteak beste, gogoratu du Mañarian boto bigatik ez zutela irabazi, eta Mallabian hirugatik lortu zutela alkatetza

Durangaldeko zenbait alkategai eta Ana Otadui batzar nagusietarako hautagaia ere egon dira ekitaldian.